انا كنت لما بسمع الكلمات دي في الأفلام والمسلسلات، كنت بتخنق واستغفر واقول المفروض ان الكلام ده لا يقال ويكرر على مسماع باقي الناس، لاني احسه كفر بالله َنعمه والعياذ بالله، حتى وقعت في براثن الشيطان وقلت مثل ما قالوا.
السبب ابنتي الكبيرة وتبلغ من العمر ٣٦ عاما كنت طبيبة ولكنها أصابها الجنون وغلب الطب في علاجها وابني الوحيد وظهري وسندي مهندس بجامعة خاصة توفاه الله في حادث، اصبت بمرض السرطان وتاكلت عظامي، والم لاينفك ان ينتهي، وابنتي الصغيرة عاقة لي َلا تحدثني، وإذا تقابلنا بالمنزل تشبح بوجهها عني، ودايما أرى وجهها غاضبا حاولت مرارا ان اعرف السبب ولكن لا جدوى، ولكن هناك نعم كثيرة من الله غير هذه الابتلاء، وفي يوم ابنتي الكبيرة جن جنونها بدئت بالصراخ والويل والهلاوس السمعية والبصرية حتى وصل بها الجنون ان قامت بضربي َضرب اختها الوسطى.
ولم يقف هذا الابتلاء فقط فوجدت أيضا ابنتي الوسطى تريد مغادرة المنزل لتسكن في بيت مغتربات بعيدا عن هذا المنزل الكئيب
ليه يارب ؟؟ ليه أنا ؟؟ ليه يحصلي معايا كده
ليه الابتلاء الشديد ده
انا تعبان ومش قادر أتحمل
أنا عملت ايه وحش في حياتي عشان يحصلي كده
أنت بموت حرفيا كل يوم من شدة الهم والابتلاء والمرض والحزن ....
................................
لحظة من فضلك
لو أصابك الهم فانا أدعوك لتقرأ هذه القصة الحقيقية
قصة ( النبي )
الذي ابتلاه الله أشد ابتلاء ....
قصة النبي أيوب عليه السلام وزوجته..
يا صبر أيوب .........
المشهد الأول .... 🎬🎥📹
في القرن 16 قبل الميلاد ....
في الفترة ما بين سنة 1501 لسنة 1600 قبل الميلاد ....
اتولد سيدنا أيوب ...
في منطقة في جنوب سوريا اسمها حوران
سيدنا اسحاق ابن ابراهيم عليه السلام كان ليه ولدين ..... هم يعقوب والعيص ....
يعقوب من نسله سيدنا يوسف ،
والعيص من نسله سيدنا أيوب
🍀🍀🍀🍁🍁🍁🌼🌼🌼
المشهد الثاني .... 🎬🎥📹
كبر سيدنا أيوب وبقى من أغنى أغنياء زمانه
مال كتير ملوش عد ....
عدد كبير جدا من الجمال والغنم والخيل ....
سبع أولاد و3 بنات ...
أرض كبيرة يقال انها في مساحة 500 فدان ...
كل ما يزيد غنى والخير يزيد .... كل ما يحمد ربنا أكتر على فضله ونعمه ، ويقرب أكتر من ربنا
يطعم الجعان .... يساعد المحتاج ....
ويعطي الفقراء والمساكين مما أعطاه الله
كان أيوب محبوب جدا بين الناس
🍀🍀🍀🍁🍁🍁🌼🌼🌼
المشهد الثالث .... 🎬🎥📹
وسوس الشيطان للناس ان أيوب بيعبد ربنا عشان نعم ربنا عليه فقط .... مبيعبدوش حبا ولا ابتغاء مرضاته زي ما بيدعي
ولو نزع الله منه النعم دي كلها هيبطل يشكر ربنا ... ويبطل يبقى أواب ( الأواب هو اللي لسانه دايما بيذكر الله في السراء والضراء)
فابتلاه الله أشد ابتلاء ....
في يوم صحي أيوب لقى كل أرضه اتحرقت ....
كل الإبل ماتت ... كل الغنم ماتت ...
كل أمواله اتحرقت ....
فقال أيوب : لله ما أخد ، ولله ما أعطى
طيب الابتلاء كان كده بس ؟؟
لأ ، ربنا جعل أولاده يموتوا قدام عينه ، واحد ورا التاني ... وفي بعض الروايات ضاعوا كل ابنائه ، مبقاش ليهم أثر
الابتلاء كان كده بس ؟؟!!
لأ ، ربنا أصابه كمان بمرض جلدي جعل جلده كله يتجرح ثم يتقرح ثم يتقيح ...
فالقرح ملت جسمه ... ألم شديد
ألم ليل نهار ، لدرجة انه مبقاش قادر على الحركة لوحده بدون مساعدة
الابتلاء كان كده بس ؟؟؟!!!
لأ ، الألم مكنش ألم جسدي بس
كان ألم نفسي كمان
بنشوف دلوقتي ناس بتدخل في اكتئاب وأمراض نفسية بسبب هجر الأحباب والصحاب ، وبسبب الوحدة
الجن بالوسوسة يتسببون في مزيد من المعاناة لهذا المبتلى
ده اللي حصل بالظبط لسيدنا أيوب
كل الناس قريب وغريب انفضوا عنه ....
الجسد لما يبقى فيه تقرحات .. المنظر بيبقى مقزز ... والرائحة كريهة ...
فمبقاش حد يطيق مجرد النظر لأيوب .. لأن المنظر مؤلم
ومبقاش حد يرضى حتى يجلس معاه ...
ومع الوقت متبقاش حد يتكلم معاه غير زوجته
-----------------------------------
فضل في الحال ده قد ايه ؟؟
فضل على الحال ده من فقر وجوع وألم جسدي وألم نفسي وهجر الناس ليه وتجنبهم ليه 18 سنة ....
في رواية صحيحة عن أنس ابن مالك .. ( إنَّ نبيَّ اللهِ أيُّوبَ لبث به بلاؤُه ثمانيَ عشرةَ سنةً ، فرفضه القريبُ والبعيدُ ، إلَّا رَجلَيْن من إخوانِه...)
اتبدل الحال ....
العز اتحول لفقر ...
التفاف الناس حواليه اتحول لهجر ...
مساعدته للناس بقى مقابلها الغدر ....
الصحة راحت ، والأولاد راحوا ...
ورغم كل ده كان سلاحه الصبر
🍀🍀🍁🍁🍁🌼🌼🌼
المشهد الرابع .... 🎬🎥📹
زوجة أيوب وقفت بجوار زوجها في البلاء ...
بقت تشتغل في خدمة البيوت عشان يلاقوا حاجة ياكلوها !
فضلت وفية .. صابرة .. محتسبة الأجر والثواب عند ربنا
لحد ما في يوم اجتمع الناس ورفضوا يشغلوها عندهم !
قالوا لزوجته :
اللي فيه أيوب ده غضب من ربنا ....
واحنا مش هنتعامل مع زوجة واحد ربنا غضبان عليه !
قالولها :
لو نبي بصحيح .. ومخلص لربنا .. هيدعي ربنا يكشف عنه البلاء ويستجيب ....
وقالولها كمان :
لو تركتي أيوب وهجرتيه ، ساعتها بس ممكن نساعدك
مشيت زوجة أيوب وهي تبكي .... وتضع يدها على بطنها من شدة الجوع
لحد ما اضطرت تبيع ضفيرتها لأحد النساء مقابل الأكل ...
رجعت البيت لأيوب ...
شافها بتبكي ...
فضل يلح حتى كشفت عن شعرها .... فلقاها قصت شعرها...
فقالتله انها باعت شعرها مقابل الأكل ...
وفضلت تبكي وتقوله :
فين عزك ؟ فين فلوسك ؟ فين أرضك ؟ فين تجارتك ؟ فين أولادك ؟
فغضب أيوب عليه السلام ... كما في الروايات الصحيحة وقالها :
لقد سول لك الشيطان أمرا، أتراكي تبكين على عز قد ولى ...
لقد خاب ظني بك ... ولا أراك إلا وقد ضعف إيمانك وضاق قضاء الله وقدره بصدرك ...
ولئن شفيت من مرضي هذا لأجلدنك مائة جلدة ... فإذهبي عني ولا أريد أن أراك حتى يقضي الله بيني وبينك
🍀🍀🍀🍁🍁🍁🌼🌼🌼
المشهد الخامس .... 🎬🎥📹
سيدنا أيوب وصل لقمة المعاناة ..... ذروة الألم .....
لكن نفس صبر عمه يعقوب ....
صبر جميل ....
الصبر الذي ليس فيه شكوى للخلق ، ولا اعتراض على حكمة الخالق ....
بقى وحيد ....
بلا زوجة ... بلا أبناء .... بلا أصدقاء
بلا أنيس ولا جليس ولا رفيق يساعده في مرضه
الشيطان نفسه يفرح ...
نفسه يشوف أيوب بيعترض ويشكي فيحس بالنصر ...
حاول الشيطان اللعين انه يزود الألم في قلب أيوب عليه السلام ، ففضل يوسوس ليه ويقوله : ماذا فعلت يا أيوب، لكي تنال كل هذه المصائب جمعاء؟ ..
فشعر أيوب بالضيق النفسي ولكنه استعاذ بالله ... ففر إبليس اللعين من قدامه ، وفضل أيوب يدعي ربنا
بسم الله الرحمن الرحيم { وَاذْكُرْ عَبْدَنَا أَيُّوبَ إِذْ نَادَى رَبَّهُ أَنِّي مَسَّنِيَ الشَّيْطَانُ بِنُصْبٍ وَعَذَابٍ }
-----------------------------------
في لحظات الوحدة المؤلمة دي تضرع أيوب لربنا بالدعاء ....
وقال دعاء كله أدب مع الله ....
دعاء ميتناسبش اطلاقا بالهم اللي هو فيه ....
قال أيوب : ( أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ )
كان أيوب يجلس ميقدرش على الحركة بدون مساعدة ....
في اللحظة دي استجاب ربنا لدعائه ، وأوحاله عن طريق الملائكة ....
قال تعالى : ( ارْكُضْ بِرِجْلِكَ ۖ هَٰذَا مُغْتَسَلٌ بَارِدٌ وَشَرَابٌ )
ضرب أيوب الأرض برجله ضربة خفيفة ....
انفجرت من تحت رجله عين ماء مقدسة ....
شرب منها أيوب واغتسل
خف المرض من جسمه ..
قوته رجعتله ...
صحته رجعته ..
مش بس كده .... ربنا أوحاله انه هيرجعله سابق ماله وعزه وضعف أولاده اللي راحوا
ﻳﻘﻮﻝ ﺍﺑﻦ ﻋﺒﺎﺱ : ﻟﻢ ﻳﻜﺮﻣﻪ ﺍﻟﻠﻪ ﻫﻮ ﻓﻘﻂ ﺑﻞ ﺃﻛﺮﻡ ﺯﻭﺟﺘﻪ ﺃﻳﻀﺎ ﺍﻟﺘﻲ ﺻﺒﺮﺕ ﻣﻌﻪ أﺛﻨﺎﺀ ﻫﺬﺍ ﺍﻻﺑﺘﻼﺀ !
فأرﺟﻌﻬﺎ ﺍﻟﻠﻪ ﺷﺎﺑﺔ ﻭﻭﻟﺪﺕ لأﻳﻮﺏ ﻋﻠﻴﻪ ﺍﻟﺴﻼﻡ ﺳﺘﺔ ﻭ ﻋﺸﺮﻭﻥ
ﻭﻟﺪ ﻣﻦ ﻏﻴﺮ ﺍﻹﻧﺎﺙ
( وَوَهَبْنَا لَهُ أَهْلَهُ وَمِثْلَهُم مَّعَهُمْ رَحْمَةً مِّنَّا وَذِكْرَىٰ لِأُولِي الْأَلْبَابِ )
🍀🍀🍀🍁🍁🍁🌼🌼🌼
المشهد السادس .... 🎬🎥📹
زوجة أيوب حست بالندم ....
لامت نفسها انها سابت زوجها لوحده في عز مرضه وألمه .....
حست ان الشيطان هو اللي فرق بينهم من حقده وغله ....
قررت ترجع لجوزها ....
معرفتوش من أول نظرة ... لانه رجع أجمل من سابق عهده قبل المرض
قالت : والله ما رأيت رجلا أشبه منك بأيوب إذ هو صحيح
قال : أنا أيوب
ضحكت وشكرت ربنا
قالها أيوب :
انا كنت ( حالف ) لو صحتي رجعت
اضربك مية ضربه ....
وانتي عانيتي معايا .... وتعبتي عشاني ...
ومتخلتيش عني في محنتي
فمينفعش يبقى جزاء صبرك ووفائك اني اضربك
لكن عشان الحلفان ربنا أوحى ليا اني اجيب 100 عود صغير من أعواد القش ، وأربطهم ببعض ، واضربك بيهم ضربة واحدة صغيرة
فتبقى الضربة الرقيقة ب100 عود كأنها 100 ضربة
شرع الله لأيوب تشريعا جميلا حتى لا يحنث بقسمه
، وقد بَرّت يمينه ، وخرج من حنثه ، ووفى بنذره ، وهذا من الفرج والمخرج لمن اتقى الله وأناب إليه
قال تعالى
( وَخُذْ بِيَدِكَ ضِغْثًا فَاضْرِب بِّهِ وَلَا تَحْنَثْ ۗ إِنَّا وَجَدْنَاهُ صَابِرًا ۚ نِّعْمَ الْعَبْدُ ۖ إِنَّهُ أَوَّابٌ )
الضغث هو مائة عود صغير ضعيف مربوطين معا...
" زي مية قشة كده " ...
ربنا سبحانه شاهد على صبر زوجة أيوب أيضا ....
فنزل الأمر عشانها من السماء لأيوب انه يضربها ضربة واحدة خفيفة ... عشان ما جزاء الإحسان إلا الإحسان
🍀🍀🍀🍁🍁🍁🌼🌼🌼
المشهد الأخير .... 🎬🎥📹
عاش سيدنا أيوب بعد كده فى أرض الروم سبعين سنة يؤدي رسالة الله على أكمل وجه ....
وينعم مع زوجته بأضعاف الثروة اللي كانوا يملكوها ...
لما مات أيوب عليه السلام وصى ابنه " بشر " من بعده بتكملة رسالته ودعوته بوحي من الله ...
فكان من الأنبياء الصالحين ... اتسمى ذا الكفل ، عشان كان بيكفل لبني قومه انه يقضي بينهم بالعدل طول حياته .. وصدق فعلا في وعده ....
فكان العدل مكفولا لهم في عهده .... عشان كدا اتسمى ذا الكفل عليه السلام ❤
ربنا جعل في صبر أيوب عبرة لينا ....
لو راحت نعمة من حياتك ....
استحمل واصبر على الابتلاء صبر جميل ..
وتأدب في شكواك لرب العالمين ....
وردد ربنا يجعلنا من الصابرين ... لله ما أعطى ولله ما أخذ
الرحمة في النهاية وعوض ربنا الجميل مبيكنش غير على الصبر الجميل .... وقلنا كتير شروط الصبر الجميل ....
ورحمة ربنا وجزائه على الصبر مستمرة للعالمين مش بس لسيدنا أيوب ....
(( فأقْصُصِ القَصَصَ لَعَلَّهُمْ يَتَفَكَّرُونَ ))
لو شايف نفسك أقل من ان ربنا يحب
No comments:
Post a Comment