لست وحدك

 مشاكل كتير بتكون واقعية ومشاكل اكمتر بتكون صعبة ومربكة، واليوم اعرض لكم اكبر مشكلة مربكة، بنت بتحكى عن واقع حياتها مع والدتها وكيف ال الامر الى هذه النهاية المؤسفة  وسوف انقل لكم بعض الردود التى عقبت على هذه القصة بحيادية تامة، او بعنصرية جافة، ولكن تبقى السؤال، ماهو الحل، وكيف الخروج من المأزق.

صباح الخير 🙂 اتمني ان محدش يغلط فاي طرف من الاطراف ايا كان دلوقتي انا عمري متخيلت ان الحال يوصل بيا لدرجه ابعت مشكله علي النت اترددت ١٠٠ مره بس لو مقلتش ومتكلمتش حاسا ممكن يجرالي حاجه ويمكن يكون في حل ، دلوقتي انا من واحنا صغييرين عايشبن مع نينه الله يرحمها بحكم ان بابا وماما منفصلين انا واختي ونينه هي اللي ربتنا وماما بحكم الظروف كانت اب وام وكانت بتشتغل وتصرف علينا رفضت تتجوز وهي مطلقه فعز شببها وهي حاليا ٥٠ سنه انا ٣٠ واختي ٢٨ تعبنا فحياتنا لعدم وحود اب ومكنش في حنيه لا اب ولا ام انا امي قاسيه جدا مش النوع مبتعرفش تعبر عن حبها او عاطفتها دايما شايفا انها طالما بتصرف يبقي عملت اللي عليها عمرها محضنتني ولا خدتنا فحضنها زي اي ام كنت بقول يمكن من ضغط الايام والظروف اللي خلتها تبقي ناشفه بس دايما ميلها اكتر لاختي الصغيره وحبها ليها كان بيبان فكل تصرفتها وكانت فالمقابل انا المفضله عند جديتي بحكم اول حفيده وحنينه عليها زي ماكانت بتقولي مشوفتش الحنيه غير منها ولا حد خدني فحضنها من بعد ما اتوفت فحين اني حنينه جدا علي امي وعلي اختي و لو احتاجو حاجه عمري مابخلت عليهم لو معايا اتوفت جدتي بقالها ٨ سنين ومن ساعتها فقدت معني الامان والحب والحنيه كنت بموت معاها فعليا وتمر الايام ومشاكلي انا وامي مش بتخلص هي شايفا ان طبعي سيي عشان ظايما بعترض لو حاحه شيفاها مش صح ومشاكلي بدات معاها من وانا فاعداي قبل وفاه نينه بخصوص كل عريس يجي يتقدم عيزاتي اوافق عليه شفت ضرب وشتينه وازيه محدش شفها فسني من وانا عيله لدرجه كانت فكل مره ارفض تقولي هكشف عليكي ! كانت تيتا تبهدلها وتزعق لها وتقولها عيب وانا اقولها اكشفي هخاف ليه تقوم ضرباني تقولي كمان بجحه !! وبتردي فضلت عالحال دا من اعدادي لحد ما بقي عندي ٢٥ سنه فضلت فالمشاكل مع كل عريس علي عكس اختي مكنش بيتقدم ليها حد تقريبا غير كام حد ومنهم جوزها حاليا يعني انا الحمد لله زي ربنا جعلني جميله وكنت بشفها نقمه عليا مش نعمه بسبب عميلها وفمره ضعفت ووافقت علي خطوبه بسبب ضربها واهانتها وفسخت خطوبتي بعد اسبوع عشان معجبهاش حاجه اتخطبت فوق ٧ مرات بسببها بالمختصر دا مشاكلي مع ولدتي لحد ما قبلت جوزي واخترته واتجوزته للحمد لله واتجوزت وانا ٢٨ لما حسيت نفسي قدرت اعمل كده واتحوزت رغم كل دا عمري ما بخلت وعلي طول بسال عليها وعندها وحتي جوزي لاحظ انها بتعامل اختي احسن وانها مبتجبش عندي غير بعد زن كتييييير اوي وبتيجي بتبقي عايزه تمشي مع ان جوزي بيرحب بيها جدا جدا وبعملها اي حاجه تريحها وهي عندي واديني بتعايش مع اسلوبها الصعب والزعيق والبهدله واضايق واصالحها عشان هي امي اللي بحبها بس في جويا حاجه مش قادره انسها منها ولا عميلها فيا المشكله بقي ان من فتره تصرفتها بقت غريبه اهتمامها بنفسها زاد زياده عن اللزوم بقت تجيب لانجيري وتخبيه خدت بالي كلمت اختي طبعا هاجمتني هحوم شنيع فسكت وكبرت بقت تتصرف تصرفات غريبه تتوتر كل لما اكون عندها مش عايزاتا نمسك تليفونها بقت ترغي بالساعات الشك دخل قلبي لحد ما شكيت فحد بعينه واتاكدت عن طريق الواتساب بتاعها رقبته وشكوكي كلها طلعت صح فضلت المحلها واقولها مينفعش عايزه تتجوزي اتجوزي بس الشخص دا لا المشكله انه اصغر منها ومتجوز ومخلف فضلت احذر بيها ونافيش فايده ومحدش يقول ملكيش دعوه يحط نفسي مكاني ويشوف رد فعله فحين محدش منعها من الزواج المهم رخت بعت لاخو الراجل دا مسح وقلتله اخوك علي علاقه بحد بدون ذكر مين بحيث اعمله مشكله ويخاف ويبعد وبعت لمراته عشان حطيت نفسي مكانها وحصلت مشكله واتصلت بهدلتني واهتي اتصلت شتمتني فرحت عملتلهم بلوك ومتكلمتش مع حد مش قادره اواجهها ولا اتكلم معاها مش مصدقه اصلا انها تعمل كده وطبعا انكار رهيب وشتيمه وبهدله المهم اتصلت بخالي جالي بعدها بكام يوم ولما حكتله كل حاجه اتصدم لان الصوره مكنتش وصلاله كده طبعا ولقيته بيقولي انه شاكك اصلا بس واثق فاخته وقلتله بنهم كلام بس عشان معملش حوار ولا اخلي امي شكلها وحش قدامه او تحصل مصيبه مع اني متاكده ان في حاحه حصلت لانه شخص انا اسفه مش محترم فالمره كانت بصاته ليا ولاهتي تخوف المهم قالي لازم محل ومتبعديش نفسك عنها ولا بنتك عشان هي قهرانه طبعا انا حافظا حركات امي وتصرقتها قلتله انا لو رحت عايزه اعرف كل مبرر لتصرفتها طالما هتوديني وتفتح الحوار انا كنت بعيده عشان شكلها ميبقاش وحش ادامي قالي انها تصلا راحت لحد بتاع خوبيل عشان تشوف انا مهيكا عليه ولا لا بسمع مكلمتها فقلها واتتي خايفا ليه طالما مافيش حاجه ! واعدت تعيط بقي وماقلتش مبرر واحد كل اللي عليها دا زميلي ومحترم وحتي بعد المشكله فضلت تكلمه بعد ما قلها هاذيكي وهاذي ولادك وهي مردتش خوفا منه انا لاقيت خالي امبارح كلامه اتغير لما رحتلها واعد يقولها اتتي اللي سمحتلها تصلا انها تدخل وانتي غلطانه حطيتي نفسك فالموقف دا بقيت بصه ومستغربه زصوتي علي غصب عني من قهرتي وقلتها بلاش كل دا اديني مبرر واحد يخليكي ساكته فتهديده ليكي ولينا وبتدافعي كمان لا وبتتعاملي عادي ولا اكن بنتك موجوده واتصلت بحوزي خدني مقدرتش اعد انا مش قادره انسا االي عرفته ولا قادره ابصلها ولا قادره اتعامل واشوفها بالصوره اللي كنت شيفاها فيها وقلبي واجعني اوي ومن تصرفات خالي اللي بقي ياخد كل واحد علي هواه عشان فاكر كده انه بيحل الدينا بس اللي جويا عمره ما هيتشال من زمان مش عارفه اعمل ايه ومش قادره اجي علي نفسي واكلمها مش قادره حاولت بس وحياه بنتي مقدرت ومسحت الهاك اللي عملته علي الواتس وقلت اريح دماغي وقلتها اللي عايزاه اعمليه انتي حره بس مش قادره انسا كل اللي حصل من صغري لحد دلوقتي جوايا مشاعر غريبه ومتلخبطه بس اللي عرفاه اني مبقتش قادره اتعامل معاها ولا عارفه قلبي مقفول #تعديل لو سمحت رد للي بيقول جاحده وقاسيه محدش يعرف احنا بنعمل ايه مع ماما مش هقول غير لكم بالمثل ومحدش بيحس بالموقف غير اللي بيتحط فيه فمحدش هيعرف ويحس غيرنا احنا مش سيبنها ولا حاجه بالعكس علي طول معاعا فون طول اليوم وبرحلها علي طول فمحدش يقول انتقم ومش انتقم ويدعي المثاليه كفايه انا اتكلمت معاها كتير وقلتلها ومافيش فايده فقلت تيجي عن طريقه هو ويبعد عنها من خوفي عليها مش انتقام وبكره تتحطوا فنفس الموقف ونشوف هتتصرفوا ازاي

 بعض من الرود التى يحتذى بها فى مشاكل لست وحدك

انتي غريبة جدااااا انتي سجان وقاضي وجلاد وانتي مالك انتي بيت جوزك واختك كده سيبيها مايمكن اتجوزته ف سر اتقي الله ع فكره انتي بتفشي غل سنين وانتي مش حاسه وانتي مااااااالك كفايه شبابها اللي ضاع سيبي باقي من عمرها تعيشه والله المستعان اتقي الله اتقي الله
وبالمناسبه مافيش راجل بيتخطف من واحده هومش عيل اوبرياله بيروح لتانيه بمزاجه
انتي متعرفيش علاقتها معاه ايه فالاولي كنتي تستفسري وتقوليلها لوعاوزه تتجوزي اتجوزي انتي حره بدل اللف والدوران

 

يعنى انتى كده مبسوطه لما عملتلها شوشره ياستى حتى لو هى غلطانه تفضحيها وتصغريها كده اكيد هى غضبانه عليكى كان الاحسن توجهيها باالى شوفتيه من الكلام بينهم تفوقيها بس مش تفضحيها واضح انك عاقله اوى

حبيبتي انا حاسه بالانت بتقوليه
اولا بالنسبه للمعامله معاكي ده غشم مش كره في ناس مبتعرفش تعبر عن مشاعرها من كتر الحب بتخرب. مامتك للأسف جاهله مش قصدي اساءه والله .انا قصدي جاهله في توصيل حبها ليكي وانت بحكم الكبيره فللأسف شيلتي الليله. فالحمد الله ان كان معاكي قلب حنين تاني يديكي الي انت مفتقداه. واعرفي ان الموضوع ده اكيد ماثر عليكي حاولي تخرجي بره دليله الكره دي.
ثانيا .سامحيني امك مهما عملت من غشم معاكي .تعبت يا ستي ومن حقها تغلط وانت تبقي جمبها متنسيش انها ضحت عشانك انت واخواتك .غلطت اه. انما انت ظهرها .سندها. صدقيني هى محتاجه حب لانها ضعيت حياتها
حاولي تحبيها وتمحي الكره الي في قلبها .تعالي علي نفسك ومتنسيش ان ربنا بيعوض .اكيد بزوج جميل يتقي الله فيكي
حبيبتي تغلبي علي نفسك

 

ببساطه اشغلي نفسك بحياتك و ملكيش دعوه بيها
انتي مش واصيه عليها
و بعدين اديتي لنفسك الحق ازاي تكلمي ناس متعرفيهمش و تقولي لواحده جوزك بيخونك
و عايزه توقفي ممتك زي العيله المتزنبه ادم خالك
في ايه اهدي شويه و متدخليش في خصوصياتها كده كل واحد ليه منطقه خاصه في حياته ميحبش حد يقتحمها
و بعدين انتي و اختك ما شاء الله كل واحده في بيتها و الست اكملت دورها معاكو يعني لا ست طايشه ولا مثلا مهمله فيكو

بري امك ده الي هتتحسبي عليه تصرفاتها هي الي هتتحاسب عليها

يعني هي رفضت الجواز لما كانت صغيره وجميله علشانكم وكان ممكن ترميكم لابوكم ومع ذالك معملتش كده واشتغلت علشان توفرلكم حياه كريمه وابوكم هو اللي رماكم ومضصرفش عليكم وجايه دلوقتي تقولي قاسيه!!!! في ايه بس في ايه بس
ما يمكن متجوزاه في السر علشان بتقولي جيبه لانجيري وده حقها ما هي انسانه وليها مشاعر وهي لو عايزه تغضب ربنا كانت عملت ده من زمان لما كانت صغيره وبصحتها وبجمالها لكن هي قعدت وربتكم وجوزتكم من حقها بقي تشوف نفسها بالحلال
انا حاسه انك انتي الوحيده اللي شيفاها بالصور البشعه دي اشمعني اختك مبتقولش كده ما هي لو وحشه هتبقي وحشه معاكم انتم الاتنين ولو كانت وحشه كانت رمتكم اصلا وشافت نفسها من زمان

انتي غاويه تتعبي نفسك وتنكدي علي نفسك صغيره غصب عنك ولما تكبري تنكدي علي نفسك بمزاجك ..ماتخليكي في حياتك وبيتك وجوزك ..مش فضحتي امك وجرستيها مع اهل الراجل وخالك عايزه ايه تاني ..خليكي في حالك وركزي في حياتك ..وسيبها ولا تزوريها ولا تزورك ..لحد ماتعرف غلطها وربنا يهديها ..انما ايه الهبل اللي انتي بتهبليه ده ..

انتي فضحتي امك بايديك الله يهديكي.
او بصراحه حسيت فيكي بشماته وانتصار. او حته انتقام. الله يهديكي ويهدينا
وعلي فكرة ممكن جدا تكون متجوزة في سر عشان بيته تاني وواضح ان امك مفكرتش تتجوز غير لما تتجوزو عشان متبقاش قلقانه عليكم والله اعلم. ولو غلطت كان ممكن يا كبيرة. تروحي يوم وتقعدي معاها وتتكلمي معاها مش تفضحيها و تبدئي مشككلتك هنا بانها بتحب اختك كلام متناقض جدا

 انتي انتقمتي وشفيتي غل السنين بعد ما ضيعت أجمل ايام شبابها ليكم انتي دبحتيها مارحمتيهاش لازم تعرفي مش من حقك تحاسبي اهلك انتي قبل ماتصغري أمك وترتبك قدامك صغرتي نفسك وظهر ان فيه درس ينقصك وهو ولا تجسسوا و حاجة تانية عارفة يعني ايه الستر وانك تبقي معاها مش ضدها لو تحب تتجوز وده حقها حكمتي عليها خلاص كفايه كدة موتى وقتك عدي فكري ف امك شوية وارضيها كما تدين تدان

يا نهااار اسود ومنيل على التعليقات 🙄🙄🙄🙄 يا جماعه حطوا نفسكم مكانها دى أمها و الابتلاء فى الاب والام بالشكل ده يموت أنتوا متخيلين الكارثه و النوعيه دى من المشاكل لما تخص الأب أو الأم أعوذ بالله مميته واحساسها بيدبح الأبناء مااااالكم!!هيجلطوني اللي بيقولولها خليكي في حالك دي امك ومش هتحكمي عليها ايه كميه الاستهتار دي عشان ولدتها تسيبها تعرهم حاجه ارف،

سيبك خالص من الاغبيا اللي بيهاجموكي انت اتصرفتي صح جدا ولو كان في راجل اكبر من خالك وكلمته مسموعه ويقدر يحميها من نفسها دخليه بس يكون ثقة... لان مامتك بتإذي نفسها ومحتاجة حد يردها عن رعونتها في السن دا والافضل ياريت تتجوز... وعلي فكرة الستات اللي بتقولك خليكي فحالك لو بس واحدة حطت نفسها مكان مرات الراجل اللي بيكلم مامت هتبقي نفسها تقطع مامتك بالسكاكين لكن هم ملايكة وشياطبن حسب المزاج... سيبك منهم وحاولي تبعدي مامتك عن الراجل دا باي طريقة حتي لو هددتيهم انك تفضحيهم في العيلتين مجرد تهديد وتتجوز اكرم لها بس من حد نضيف