الكثير يبحث عن وظيفة تناسب خبراته وتعليمه، الذي أخذ أجمل سنوات عمره، فمنذ نعومة اظافره وهومطحون في الدراسة من برى سكول، كجي وان، البكالوريوس أو الليسانس، متحمل خلال هذه المحنة والحقبة من الزمن سخافات الكثير، مع تعليم لا يثمر ولا يغني، وهذه تجربة احد خريجي الجامعات المصرية، وكان يبحث عن وظيفة من خلال الإعلانات على الصحف، أو التلفاز، وصفحات التواصل الاجتماعي
Ahmaden ChananChanan
January 26, 2019 at 8:30 AM
منقول
الخلاصه
لو لقيت اعلان ع وظيفه وبيقول شرط الجديه والالتزام ؟
/ ده معناه ان الشغل مرمطه وناس كتير بتمشي .
لو لقيت اعلان شرط حسن المظهر ولازم تروح المقابله فورمال
ومرديش يقولك ع الوظيفه نوعها ايه ؟
/ مدام قال فورمال ده معناه ان الوظيفه امن او مندوب .
لو لقيت وظيفه مرتب اساسي 1100 والحوافز والبونص بيوصل لـ 5000 جنيه ؟
/ يبقي هيشغلك ويفحتك وفى الاخر هتاخد الـ 1100 ولو كلمته ليه مرتبي مبقاش 5000 جنيه هيقولك علشان انت مش طموح ومش عارف تحقق تارجت الـ5000.
لو روحت انترفيو ورفضك وقالك هساعدك تشتغل ؟
/ ده معناه انه مكتب كورسات وهيقولك علشان تشتغل لازم تاخد كورس عندنا ب600 جنيه وتبقي مؤهل للوظيفه .
لو لقيت وظيفه عاوزين كل المؤهلات والطلاب ؟
/ يبقي الشغل كول سنتر وعاوزين ناس يفحتهم 3شهور ويمشيك وفى الاخر يقولك دي كانت فتره تدريب وانت مش مؤهل للعمل معانا ويرجع يجيب ناس تاني تشتغل 3شهور فتره تدريب ويمشيها .
لو لقيت ملتقي توظيف او اعلان ع شغل ؟
/ هتروح تملئ الابليكيشن وتعمل مقابله ع الفاضي واساساَ هتلاقي الوظيفه المعلن عنها خدتها بنت اخت المدير بس علشان يثبتوا انهم بيشغلوا الشباب .
طب لو عاوز تشتغل شغلانه كويسه تعمل ايه ؟
/ يا يكون معاك واسطه فى المكان اللى انت رايحه يا اما تشتغل بمرتب قليل .
يوميات باحث عن عمل أنا تعبت جدا جدا
No comments:
Post a Comment