ازاي تسوق صح للمبتدئين

بعض الأسئلة والاجوبة على أمور القيادة للسياره بطريقة صحيحه وموفره للبنزين.

ين وعفشة السياره وعمر الموتور.

وعليكم السلام ورحمة الله وبركاته

مان ليا سؤال
ازاي الواحد ينقل من غير ما تحصل نتشه كده
هيا نتيجه بنزين زياده
او اني اسيب الدبرياج بسرعه
هيا بتحصل وانا مرتبك بس و مش عارف اعالج الموضوع ازاي

بالنسبة للنتشة الزيادة ... فى الغالب .. بترفع رجلك بسرعة من على الدبرياج ... وده موش كويس خالص ... ثبت رجلك على البنزين ... يعنى اضغط على البنزين ضغطة خفيفة وثبت رجلك عليها ... وارفع رجلك من على الدبرياج بالتدريج حتى تتحرك العربية فى هدوء

لو انت ماشى على التانى ... ونقلت الغيار الثالث
نفس الشىء ... ثبت رجلك على البنزين وارفع رجلك بالتدريج

ممكن تكون بتضغط على البنزين بقوة زيادة عشان خايف ان العربية تبطل منك ... وفى نفس الوقت بترفع رجلك من على الدبرياج بسرعة زيادة فتشعر بنتشة فى العربية وده موش كويس خالص لسلامة العربية

حاول تتمرن على التوقف والسير اكثر من مرةعشان تعرف متى تتحرك السيارة ؟ ... يعنى لما بترفع رجلك من على الدبرياج فى حتة معينة او مسافة معينة اول ما رجلك بتوصل عندها العربية بتبدأ فى التحرك
انا عن نفسى اتعودت انى ارفع رجلى من على الدبرياج نص رفعة فى الاول ولما العربية تتحرك ارفع رجلى بالكامل

و حاجه كمان
ف المطالع
لو اعصابي هاديه بعرف اشد فرامل اليد و لما اطلع اسيبها من غير ما اريح ع اللي ورايا
طيب بس برده ساعات برتبك و تفضل تبطل مني من غير ما اعرف اطلع اضطر ادور تاني و اعيد المحاوله
عايز اعملها ف مره واحده

تصدق بالله برغم ان الواحد بقاله حوالى 9 شهور مطلع الرخصة وماشى كويس والحمد لله ... لكن مازال الواحد بيعمل حساب فى مواقف كثيرة منها موضوع الأنفاق والكبارى
كان آخرها الاسبوع اللى فات
كنت قررت انى انزل كوبرى القبة من طريق "روكسى" تجنبا لطريق العروبة وانى انزل نفق العروبة خوفا من توقف العربيات فى النفق
وفى آخر لحظة نزلت مع العربيات وحصل المتوقع ان كل العربية توقفت اسفل النفق
لكن الحمد لله غيرت الغيار الاول ... وبدأت فى الصعود ... وطبعا قررت انى لا انقل اى غيار آخر إلا بعد الإنتهاء من عملية الصعود عشان العربية ما تبطلش وكان فيه احتمال ان العربية تتوقف على مطلع النفق

لكن انا كنت مجهز نفسى ان لو حصل والعربيات توقفت على مطلع النفق كنت هارفع فرامل اليد بلا تردد
اما بالنسبة لعملية القلق .. فى اغلب الاوقات انت قلقان من العربيات اللى وراك
وطبعا هايضربوا كلاكسات
وهايسببوا لك ربكة

اهم حاجة اثناء الصعود انك تضغط بنزين زيادة شوية ... لان العربية محتاجة عزم اكثر عشان تطلع المطلع
وبعد كده عملية رفع رجلك من على الدبرياج دى اسهل حاجة ... ارفعها براحتك هههههههه واول ما العربية تشعر انها عايزة تمشى نزل فرامل اليد

حاول تجرب الموضوع ده فى احد المطالع بس فى شارع فاضى خالص ويكون الصبح والجو بارد وجميل
وجرب مرة التوقف والصعود باستخدام فرامل اليد
ولما تلاقى نفسك مية مية

جرب انك تطلع بدون استخدام فرامل اليد
يعنى توقف على المطلع
وانت ضاغط فرامل
حاول تزود بنزين وترفع رجلك من على الدبرياج بسرعة وتستمر فى السير
لكن هنا فيه ملاحظة: انك لازم ترفع رجلك الاول عن الدبرياج خفيف قوى ... واول ما تشعر ان العربية هاتمشى
شيل رجلك من على الفرامل وزود بنزين بسرعة

وفيه ناس تانية
تضغط بنزين
وترفع رجلها من على الدبرياج بحيث ان العربية تفضل متعلقة يعنى لا بتطلع ولا بتنزل واقفة فى مكانها
لكن الطريقة دى موش كويسة على العربية خالص ...

 المشاركة الأصلية كتبت بواسطة amr_haggag 

السلام عليكم

وعليكم السلام ورحمة الله وبركاته

أنا مش معتبر نفسي جديد قوي في السواقة بس لسه برده، أنا بسوق عربيتي بقالي اسبوعين

على فكرة فيه ناس قديمة جدا فى السواقة .. ومازالت عندها الكثير من المشاكل فى طريقة قيادتها للسيارة ... يعنى الخبرة موش بمدة القيادة
فيه ناس موهوبة وفاهمة موش حافظة ههههههههههههه ...
عندك مثلا سواقين الميكروباس ... فيه ناس كثير فاهمة انهم احسن سواقين وانهم عشرة على عشرة ... انا عن نفسى شايف ان اغلبهم موش بيفهموا اى حاجة ونادر قوى لما الاقى سواق منهم كويس وعاقل ...
ولما بلاقى سواق ميكروباس بيخلص نفسه ومهارته عالية ...
على طول بقول له: انت مية مية ... السواق: يضحك ويقول لى الحمد لله ... انا اقول له: مادام اللى راكب جنبك موش بيخبط رجله فى دواسة العربية يبقى هو راكب جنبك ومستريح من طريقة سواقتك
من اسبوع توقفت عربية ميكروباس امام البنزينة فى الحارة التانية وفى الطريق الدائرى عشان ياخد زبون
تخيل انت عربيات داخلة البنزينة
وعربيات خارجة منها
وعربيات بتجرى على الطريق الدائرى بسرعة
وصاحبنا وقف فى الحارة التانية وامام البنزين
يعنى لا قدر الله لو عربية داخلة البنزينة ممكن تخبطه من الخلف لتوقفه المفاجىء
او واحد يكون بيتعلم او اى حاجة لا قدر الله
الدنيا كلها فاضية يعنى ممكن يتوقف على اى جانب فى الحارة الملاصقة للرصيف
الكلام ده كله موش عايز خبرة ولا حاجة ... لكن الاساسيات معدومة

اهم حاجة انك يكون عند حضرتك قواعد ثابتة فى ذهنك لسلامتك وسلامة الآخرين
مثلا:

• الالتزام بالحارة التى تسير فيها
• ترك مسافة كافية بينك وبين السيارة التى امامك
• الدخول على التقاطعات بسرعة هادئة ورجلك فوق الفرامل جاهزة حتى ولو العربيات التى حولك دخلت التقاطع بسرعة
• ما تعملش بلوك بجوار عربية اخرى

فيه اساسيات كثير قوى لازم الواحد يلتزم بها ... اما مهارات الجراءة والسرعة وان الواحد زى ما بيقولوا يعرف "يسلك" نفسه كويس والكلام ده كله يجى مع الوقت ... اهم حاجة سلامتك وسلامة الآخرين

بس انا اتعلمت السواقة في مدرسة واخدت 10 حصص على مدار خمس شهور لظروف الشغل، طبعا انا متابع الموضوع من زمان واستفدت منه معلومات كتير وشكرا لكل الاعضاء وخاصة الاستاذ حسين

لا شكر على واجب ... احنا كلنا هنا اخوات وبنحاول نساعد بعض ... وبدون كسوف ولا خوف ... لان فى الاول والآخر لازم نخاف على نفسنا وعلى الآخرين وربنا يسترها مع الجميع

بس انا متابع في صمت

هههههههههههه انا عارف ان فيه ناس كثيير محترمين بيتابعوا الموضوع فى صمت ... عشان كده برغم قلة الردود والحوارات والمناقشات ... رغم كده انا مصر انى استمر فى كتابة كل جديد فى الموضوع ده لوجه الله تعالى

واللي لفت نظري موضوع المطبات وتهدية السرعة بالمور لأني ما باعملش كده خالص، اللي انا فاهمه ان لو انا دوست دبرياج لحد الأخر كده انا فصلت الحركة بين التروس والموتور لحد اما احتاج ازود سرعة فازود على طول ويبقى انا كده وفرت وقت النقل على المور واسيب الدبرياج وبعدين ادوس دبرياج تاني علشان انقل الغيار المناسب وأبدأ امشي تاني، مش كده أسهل ولا ايه؟؟؟؟


كلامك سليم ومية مية
لكن زى ما بتقول انها طريقة قيادة او "استايل"
فيه ناس تحب تسوق زى حالاتى بالطريقة دى ... والغرض منها انى اريح العربية على قدر الإمكان
يعنى مثلا انا شايف ان فى آخر الشارع مطب صناعى والكل هايتوقف
خلاص قبل المطب بمسافة كافية ... امور العربية واتركها تسير لوحدها
وتهدى سرعتها لوحدها
واضغط فرامل خفيف واطلع المطب وفى بداية نزول العجل الامامى انقل الغيار المناسب واستمر فى السير ده لو كان المطب جامد قوى
ولو كان المطب خفيف ... اعدى عليه بالعربية وبعد كده انقل الغيار المناسب واستمر فى السير

احسب حضرتك
العربية مشيت مسافة اد ايه بدون ما اضغط بنزين ... وبدون ما اعشق الفتيس ... وبدون ما اضغط فرامل بقوة
تخيل انت لو بتعمل كده على طول
سوف تجد ان على الأقل ثلث مشوارك بتمشيه بدون مشاكل والعربية بترتاح وبتوفر بنزين و"تيل فرامل" وبتريح اسطوانة الدبرياج .. وبتريح "ماستر الفرامل" وبتريح "ماستر الدبرياج"

ما هو انت كده كده ها تتوقف بعد ثوانى
بسبب مطب صناعى
او قضيب مترو
او اشارة
او ازدحام
او ملف
او يوتيرن "حتى فى اليوتيرن بتريح وتحافظ على كبالن العربية" ... يعنى لو تقدر تمور الفتيس قبل اليوتيرن وتترك العربية تسير لوحدها وبعد الإنتهاء من اليوتيرن تنقل الغيار المناسب كده تبقى عشرة على عشرة حفاظا على الكبالن

اى حاجة ... يبقى مافيش داعى انى اضغط بنزين جامد واتوقف جامد وادوس فرامل جامد .... كل ده بدون داعى


ده انا حتى لو هقف ورا عربية لو الطريق مش واقف خالص بتبع نفس الاسوب اسهل واسرع من اني أمور وانقل تاني.

هو اسهل وكلام سليم مية مية واسرع
لكن تأثيره مع الوقت
يعنى مثلا فيه ناس بتدخل على الملف او اليوتيرن وتكسر العجل جامد .. وتسمع "طقطقة" بسبب ان الكبالن بدأت فى التأكل
وفيه سواقين قدام قوى وخبرة عارفين الموضوع ده كويس
يعملوا ايه: يقدر سرعة العربية
ويمور الفتيس
ويجهز رجله فوق الفرامل خفيف
ويترك السيارة تسير لوحدها
وبعد الإنتهاء من اليوتيرن
ينقل الغيار المناسب ويستمر فى السير

طبعا هو كده بيحافظ على الكبالن مبة مية

وفيه ناس موش فارقة معاها
يدخل على اليوتيرن بسرعة
وقبل اليوتيرن فرامل جامد
ويكسر الدركسيون جامد
وبعد شوية تسمع صوت طقطقة الكبالن
ويبدأ يجرى فى موضوع الكبالن
وطبعا الحاجة الاصلية "الكبلن الاصلى" اللى جاى مع العربية غير الكبلن اللى بتشتريه .. وتعب وشغلانة

وفى الأول والآخر زى ماقلت لحضرتك هى طريقة او "استايل" فى القيادة ... انت بتختاره وبترتاح له
لو بتحب عربيتك وبتحب تحافظ عليها بتحاو ل تريحها على قدر الإمكان

يعنى مثلا: فيه واحد راكب جوه العربية وقافل الشبابيك ومشغل التكييف وموش فى دماغه ان العربية بتسحب ولا مابتسحبش موش فى دماغه
وفيه واحد تانى عارف امكانات العربية وعارف ان الافضل انه يشغل التكييف فى الطريق الطوالى فقط وده لمصلحة العربية
وفيه اللى شايف ان الجو كويس ههههههههههه وموش ضرورى انه يشغل التكييف

بالنسبة لعملية "المور" انك تمور الفتيس دى ... اهم حاجة انك تعملها فى التوقيت المناسب ...  يعنى ماعملش كده بدرى قوى ...  والاقى العربية هديت سرعتها جامد جدا وانا لسه فى نص الشارع والعربيات قادمة من الخلف بسرعة ههههههههههههههه
عايزة خبرة
متى امور الفتيس ؟ وهل سرعة العربية هاتكفى المسافة الباقية ؟


وكل سنة وانت طيبين

وحضرتك طيب وبالصحة والسلامة
واهلا وسهلا بك

مع اطيب التمنياتمنقول
.