لو كنت مكاني ٢٠٢٠

القصص والروايات يقصد بها قبل التسليه العظه والتدبر في الهدف منها، واليوم انقل لكم إحدى هذه القصص الواقعيه التي قد تحدث لواحد من الناس ولكن عندما نعرفها نستفيد من جميع جوانبها، هذه قصه منقولة من إحدى أعضاء جروب خاص بالسفر، ولكن هذه القصة شدتني ولذا نقلتها لكم للاستفادة.

قصتي طويله شويه بس فيها عبره ليا و لغيري هفضل طول حياتي بتعلم منها 😊🌹
الهدف منها مش المسابقه والله خالص

بعد جوازي بسنه و نص بالظبط بسنه و نص اتوفى بابايا و هو بالنسبالي كل حاجه مهمه و كل حاجه حلوه و كنت بحبه حب العباده مش حب البنت لابوها و بس 😔
قبل وفاته كنت مقرره اني اسافر عمره انا و جوزي عشان كل ده مكانش لسه ربنا أراد لينا بالذريه الصالحه بدون اي اسباب واضحه (على لسان الدكاتره) و كان بابا عارف اني نويت النيه دي

طبعا بعد وفاته وقفت كل المتابعات لاني نفسيتي كانت تحت الصفر بمراااااحل لان بابا اتوفى فجأه بدون اي تعب او اي حاجه

كرم ربنا بقى ان بابا كان مسافر نيجيريا فاليوم ده بالليل لان إجازته خلصت (اجازه الشغل) و كل الناس لما عرفت خبر الوفاه بقى كله يسأل هو الدكتور سمير اتوفى هنا و لا بره مصر لان طبعا كلكوا عارفين البهدله اللي ممكن تحصل فالجثمان عقبال ما بينزل و انهم بيحقنوا الجسم بحقنه تحنيط و موال صعب اووووى
اتوفى الفجر و طيارته كانت ٧ بالليل في نفس اليوم و حاجز على مصر للطيران و مرتب شنطته و كلللل حاجه... و ده كان أول كرم من ربنا بينا و بيه هو قبل طبعا 💖

بعد كده قرب شهر رمضان و حجزنا سفر للعمره فالشهر الكريم و ماما قررت تسافر معانا عشان نفسيتها بسبب وفاة بابا و انا حبيت ان اخت جوزي تطلع معانا و اقنعتها و فعلا قد كان و حجزنا احنا الاربعه..

السفر كان يوم الجمعه بالليل و الساعقه الكبرررري اخت جوزي (بنوته ٢٩ سنه) توفيت يوم الخميس الضهر و هي بردو مجهزه شنطه سفرها و نويت النيه لزياره بيت الله الحرام 😥💔😔
الدنيا كلها اتقلب رأسا على عقب و كلنا في حاله انيهار مش هقدر اوصفها لأي حد، طيب الناس بدأت تسأل طب و العمره اللي كانوا هيروحوا و هي معاهم؟ طب لو مسافرش هيتعمل ايه فالحجوزات؟ طب هتقدروا تسافروا اصلا و تصلبوا طولكوا؟ 😔😔😔

اللي فصل فالموضوع ده حماتي مع انها كانت تقريبا مغيبا كليا و جزئيا من الصدمه و قالت روحوا اعملهولها العمره اللي كان نفسها فيها 💔💔💔

و فعلا سافرنا بس مكوناش شايفين قدامنا نهااااائي
قبل ما تدفن اصلا كان اعملها عمرتين و عقبال ما عدي اول كام شهر على وفاتها كان ما شاء الله اعملها ١٦ عمره 💖 و ده كان كرم ربنا التاني لينا

(نسيت اقول ان وفاتها كانت بعد وفاه بابا ب اقل من ٦ شهور)

كان وقتها قرار السفر للعمره هو اني ادعي ربنا يرزقني بالذريه الصالحه بس بالأحداث اللي حصلت دي مكانش في أي تفكير فالخلفه خالص (نسينا الموضوع) 😔😔

سافرنا و روحنا المدينه الأول و حاولت اتعافى نفسيا و ربنا اكرمني بالسجود فالروضه الشريفه و حسيت فعلا اني سجدت فالجنه و بعدها روحنا مكة المكرمة و عملت فيها ٧ عمرات بفضل الله خلاص ١٠ ايام لدرجه ان الموظف السعودي اللي شغال فالريسبشن قال لجوز (انت يا اخي ما تشلح لبس الإحرام ابدا) بتهريج كده و هو ميعرفش اللي فينا واحنا جايين ليه 😥

رجعتا تاني المدينه و سافرت قبلها جده زياره لقرايبنا و رجعنا مصر بالسلامه..

كرم ربنا التالت جاي اهو ☺️💖
تعب ليا جدااا و لجوزي من تغير الجو و بدأنا في كورس العلاج و دكتوره قربتي حللي حمل احتياطي لان العلاج ده قوي جداااا و لو في جنين بيأثر على تكوين العضم
طبعا مخدتش و أديت، اللي هو حمل ايه ده انا بقالي سنتين و مفيش حاجه بتحصل
المهم اول جمعه بعد رجوعتا من مكة كنا لسه في رمضان و صايمين، روحنا لاخت جوزي المقابر قبل الصلاه فالفيوم و بعد الصلاة روحنا لبابا المقابر فالسيده عائشه و كنت منهاره جدااااااا و كله روح البيت في حاله حزن شديده

قلت اعدي اعمل اختبار حمل بس عشان ابقى عملت اللي عليا و انا متأكده انه مشوار ملوش لازم...

عملت التحليل و البنت اللي فالعمل قالتلي ١٠ دقايق و اقولك النتيجه، البنت خرجت و قالتلي positve يا فندم
رديت عليها شكرا و خرجت
بعد ما خرجت من المعمل انتبهت كده قمت داخله تاني، قلتلها انتي قلتلي ايه معلش
قالتلي positve يا فندم
حضرتك حامل

انا وقتها مكونتش عارفه في ايه و لا مستوعبه اصلا
حمايا و حماتي نزلوا ساجدين فالارض من الخبر
انا وجوزي اكتر من اسبوع مش فاهمين حاجه
ماما و اخواتي فرحانين جدااا لان بابا دكتور و كان قلقان اوي عليا

سافرت العمره و انا حامل اصلا و ركبت طياره مرتين و مجهود ٧ عمرات و صلاة كل فرض فالمسجد النبوي و طلوع و نزول و سفر لجده لناس قرايبا

بعد ٨ شهور جوزي تعب جداااا و دخل المستشفى يعمل عمليه فالرئه و انا خلاص على وش ولاده

يشاء ربنا اني اولد قبل معادي ب شهر كااامل (اول يوم فالشهر التاسع) بسبب مجهود المستشفى مع جوزي

كرم ربنا الرابع جاي اهو 💖🌹
ولدت الحمد لله بالسلامه و جبت بنت اموره اوي الحمد لله مكونتش اتخيل اني هيكون عندي بنت بالجمال ده لاني عاديه خالص

جوزي دخل العمليات الساعه ٧ بالليل و انا كنت ولدت الفجر
بعد ما خرج من العمليات الدكتور قالي كده حرفيااا (ربنا نجي جوزك عشان البنت دي) و هم شغالين فالرئه، الأكسجين وصل ل ٢٠٪ بس فالدم و قالي احنا شيلنا ايدينا و بصينا لبعض (الحاله بتموت مننا) و فجأه عالمونيتور الأكسجين وصل ل ٥٠٪ لوحده منعرفش ازاي 🌹

القصد من البوست ده أن ترتيب و تدابير ربنا كبيره اووووى و قد ايه ربنا رحيم بعباده

أسألكم الدعاء لوالدى و اخت جوزي لعل اخد فيكم أقرب إلى الله 💚

مره على وفاتهم ٥ سنين و احنا لسه مش كويسين بردو من غيرهم

#جمعه_مباركة