أسوأ القصص هي قصص الحب من طرف واحد - Try This If You Want To Lose Weight
Ads Here

Saturday, February 25, 2017

أسوأ القصص هي قصص الحب من طرف واحد


قصة الحب  الأليمة قال عنها الصحفي المصري الراحل مصطفى أمين في كتابه الشهير «شخصيات لا تنسى»: «عشت مع كامل الشناوي حبه الكبير، وهو الحب الذي أبكاه وأضناه وحطمه وقتله في آخر الأمر، أعطى كامل لهذه المرأة كل شيء المجد والشهرة والشعر ولم تعطه شيئاً أحبها فخدعته..أخلص لها فخانته..جعلها ملكه فجعلته أضحوكة»، كامل الشناوي و نجاة ، او الجميله و الوحش، وفيما يلى سوف انقل لكم بعض المواقف التى قتلت الشاعر حزنا والما ولقد رواها عنه الكاتب.


في يوم كتبلها " إنني لا أجري خلفك صدقيني و لكنني أجري وراء شقائي "  كان عارف انها ما بتحبوش بالشكل دا لكنه فضل وفي لحبه لآخر نفس ، يمكن مكنش وسيم لكن كان قلبه اكتر جمالا من ملامحها
ولما سألوه قال " انها تحتل قلبي ، تتصرف فيه كما لو كان بيتها تكنسه و تمسحه و تعيد ترتيب الاثاث و تقابل فيه كل الناس .. شخص واحد تتهرب منه ، صاحب البيت "
في عيد ميلادها اشترى الهدايا و جهز المكان بنفسه و علق البلالين و بعد ما طفوا الشمع اختارت يوسف ادريس يمسك ايدها ويقطع معاها التورته .. خرج و كإن السكينه في قلبه هو وقال بعدها " إنها كالدنيا تتجدد بالناس و لا تكتفي أبدا "
ولما شافها مع يوسف إدريس بيبوسوا بعض رفع سماعة التليفون و قالها " لا تكذبي ، إني رأيتكما معا ! " .. ردت عليه " الله حلوه اوي هغنيها " و كإن الكلام مش ليها
و لإنه مكنش يملك غير الكلام كتب لغريمه يوسف ادريس " حبيبها لست وحدك حبيبها " اللي غناها عبد الحليم
كان بيدخن و يشرب و يسهر و يكتب و يحب نجاة ، ولما يأس استسلم للموت في نوفمبر 65 و قال " لم تعد الحياة كما كانت ، و لم أعد أنا أنا "
نجاة مش قاسيه ولا هو يستحق معاناه ملوش يد فيها .. لكنها لعنة الحب
لما الست قالت " اللي صدق في الحب قليل " أكيد كانت تقصده
الخلاصه
ولا قال عليها شمال، ولا إنتقم منها، ولا عاقبها، ولا تطفل عليها، ولا أجبرها تحبه بالعافيه، ولا أما رفضته قال عنها أنانية، ولا أتجوز أي حد عشان يغيظها، ولا نسيها بغيرها وبقا رمرام، غريبة دي بيبقو عاملين البدع ومجرمين ف حق الواحده وأما تمشي بدون أي انتقام بيحسو انهم مظلومين مش جناه وبيعملو اكتر من كده، ده معنى العشق أسمى درجات العشق إنك تعشق بدون أمل أو هدف لمجرد العشق لمجرد إنك لازم تفضل بتعشق الشخص ده مش معقول الراجل ده !